Joan den ekainaren 5ean, Iruñeko Geltoki gunean elkartu ginen KOOPERATUZ SARIAren sari-banaketa ospatzeko. Oso jardunaldi zirraragarria izan zen, topaketak, eztabaidak eta, batez ere, proposamenen talentu handiak markatua. Aurkeztutako 42 proiektuen artean berdinketa gertatu da, eta horrek haur-kategorian aitorpena partekatzera eraman du.
Hauek dira aurtengo lan sarituak:
Haur-kategoria (Ex aequo saria partekatua)
- Enar Williams, “Denontzako Herria” abestiagatik.
- Ainhoa Zabala, “La aldea que tenía el cielo” ipuinagatik.
Helduen kategoria
- Miguel Alfredo Hernández, “Eralda dezakegu” ikus-entzunezko proiektuagatik, lan bisuala, egurrezko letrak eta narratiba uztartzen dituen proposamen artistikoa.
[SARITUTAKO LANAK IKUSTEKO SAKATU HEMEN]
Gainera, Garbiñe Bueno Zabalza (Iruñeko Udaleko alkateordea), Maider Beloki Unzu (Iruñeko Udaleko Kultura zinegotzia) eta Miren Arriaga Zanguitu (Eusko Jaurlaritzako Gizarte Ekonomiaren Saileko teknikaria) izan genituen gurekin, eta haiek arduratu ziren sariak banatzeaz.
Nabarmentzeko xehetasun bat: garaikurrak 3Dn inprimatu ziren, Irungo Indart3D kooperatibaren eskutik, ekoizpena modu altruistan egin zuena. Bitxikeria gisa, kooperatiba hau izan zen, hain zuzen ere, lehiaketa honen lehen edizioko irabazlea.
Eskerrik asko zuen energia eta esperientziak partekatzera hurbildu zineten guztioi. Saretzen jarraitzen dugu!