LAN HEZKUNTZA EKONOMIA SOZIALETIK
BDSKoop Elkarteak Ekonomia Sozialaren inguruko formakuntza eskaintzen du Bidasoaldeko Lan Heziketako zentroetan. Eusko Jaurlaritzako Ekonomia Sozialeko sailak finantzatua denez, eskolentzako guztizko doakoa da.
Formakuntza hauen bidez, honako edukien lanketa eskaintzen da:
1.- Ekintzailetzarako alternatiba gisa Ekonomia Sozialaren eredua.
-
Ekonomia Soziala enpresa-eredu gisa aurkezten da, balioetan oinarritutako ekintzailetza sustatuz eta gizartearen beharrak erdigunean jarriz.
2.- Kooperatiba: forma juridikoa.
-
Kooperatiba eredu juridikoaren ikuspegi orokorra eskaintzen da.
-
Era berean, ikuspegi sakonagoa jorratzen ahal da, bereziki kudeaketa administratiboari dagokionez: estatutuak, organoen funtzionamendua, kontabilitatea, zerga-betebeharrak eta bestelako administrazio-prozesuak.
3.- Ekonomia Soziala eta Garapen Jasangarrirako Helburuak (GJH).
-
Bizitza erdigunean jartzen duen ekonomiaren ikuspegitik, Agenda 2030arekin lotura estua duen lanketa ekonomiko-sozial integrala eskaintzen da.
-
GJHen eta Ekonomia Sozialaren arteko konexioak aztertzen dira, ikasleak eredu iraunkor eta bidezkoago baterantz bideratzeko.
4.- Formakuntza bakoitzaren arloari egokitutako eduki espezifikoak.
A.- Elikadura-arloa: kontsumo arduratsua eta agroekologia lantzen dira. Hona hemen adibide batzuk:
-
Baratzetara bisitak.
-
Kontsumo arduratsuaren inguruko hitzaldiak eta tailerrak.
B.- Zaintza-arloa: trantsizio demografikoaren erronkak jorratzen dira, arreta berezia eskainiz sektorearen erronkei eta aukerei:
-
Zahartze aktiborako ariketak eta jarduerak.
-
Ekonomia Sozialak sektore honen prekarizazioaren aurkako proposamen eta ekimenak.
C.- Beste: Nahi den beste formakuntza arlotan sakondu daiteke eta proposamen bat garatu.